ഉമ്മന്‍ചാണ്ടി രാഷ്ട്രീയത്തില്‍ തുടരണം...

ശ്രീ E.T. മുഹമ്മദ്‌ ബഷീര്‍ എല്ലാവരും ബഹുമാനിക്കുന്ന വ്യക്ത്തിയാണ്.  അദ്ദേഹം ഇന്നലെ നടത്തിയ പത്രസമ്മേളനത്തില്‍ പറഞ്ഞ കാര്യങ്ങള്‍ സാമാന്യ ബുദ്ധിക്കു നിരക്കുന്നതല്ല.

അഞ്ചാം മന്ത്രി വിഷയത്തില്‍ അധികമായോ അനര്‍ഹമായതോ ലീഗ് ഒന്നും നേടിയിട്ടില്ലെന്ന് പ്രവര്‍ത്തകസമിതി യോഗത്തിനുശേഷം അദ്ദേഹം  പറഞ്ഞു.  "അഞ്ചാം മന്ത്രിസ്ഥാനം ലീഗിന് വാഗ്ദാനം ചെയ്തതാണ്. ഒത്തുതീര്‍പ്പ് ഫോര്‍മുലയുടെ ഭാഗമാണത്. ലീഗിന്റെ രാജ്യസഭാ സീറ്റ് വിട്ടുനല്‍കിയട്ടുണ്ട്. അഞ്ചാം മന്ത്രിയെ നേടിയതില്‍ കുറ്റബോധമില്ല. അഞ്ചാം മന്ത്രിസ്ഥാനം മതസൗഹാര്‍ദം തകര്‍ക്കുമെന്ന വാദം അടിസ്ഥാനരഹിതമാണ് ".

ഈ പ്രശ്നം  ഇത്രയധികം നീട്ടിക്കൊണ്ടുപോയി വഷളാക്കിയത് പ്രതിപക്ഷം അല്ല.  ഉമ്മന്‍ ചാണ്ടിയും അദ്ദേഹത്തിന്റെ പാര്‍ടിയും ആണ്.  പ്രതിഷേധ കൊടുംകാറ്റ് ഉയര്‍ത്തിയത്‌ കോന്ഗ്രെസ്സിന്റെ നേതാക്കന്മാരും.  ലീഗ് അവരുടെ മന്ത്രിമാരെ പിന്‍വലിക്കും എന്ന് പറഞ്ഞതിനാല്‍ ആണ് അഞ്ചാം മന്ത്രിയെ കൊടുക്കേണ്ടി വന്നതെന്ന് മുഖ്യമന്ത്രി സ്വയം ന്യായീകരിക്കുകയുണ്ടായി.  മന്ത്രിസഭയെ നിലനിര്‍ത്താന്‍ വേണ്ടി ചെയ്ത ഒരു വിട്ടുവീഴ്ച !! ഇതിന്റെ ഭാരം ചുമക്കേണ്ടി വരുന്നത് കേരളത്തിലെ ജനങ്ങള്‍ ആണ്.   ഖജനാവിലെ ഏഴുകോടിയിലേറെ രൂപ ഇതിനായി ചിലവഴിക്കണം.  ഖജനാവിലെ പണം മുഖ്യമന്ത്രിയുടെ സ്വകാര്യ സ്വത്ത് ആണോ ?  അതോ ലീഗിന് അര്‍ഹതപെട്ട സ്വത്തോ ?   പുതിയ മന്ത്രി സ്ഥാനാരോഹണം നടത്തിയതുകൊണ്ട് ജനങ്ങള്‍ക്ക്‌ എന്താണ് ഗുണം കിട്ടാന്‍ പോകുന്നത്.  സ്വന്തം കസേര നിലനിര്‍ത്താന്‍ വേണ്ടി എന്തും ചെയ്യും എന്ന ഹുങ്ക് ആണ് അദ്ദേഹം കാണിക്കുന്നത്.   

മന്ത്രിയെ കൊടുത്തില്ലായിരുന്നെങ്കില്‍ മത സൌഹാര്‍ദ്ദം മാത്രമല്ല പലതും കേരളത്തില്‍ തകരുമായിരുന്നു.  കേരളത്തിന്റെ സമാധാന അന്തരീക്ഷം ലീഗിന്റെയോ UDF ന്റെയോ സംഭാവനയല്ല.   അത് നിലനിര്‍ത്താന്‍ ജനങ്ങളെ ആരും പഠിപ്പികേണ്ട.   മുഖ്യമന്ത്രിയില്‍ അല്പം മാന്യത ബാക്കിയുണ്ടെങ്കില്‍,  തല ഉയര്‍ത്തിപിടിച്ച് ഈ ഭ്രാന്തന്‍ മുന്നണിയുടെ നേതൃസ്ഥാനം ഒഴിയുക.   ഉമ്മന്‍ചാണ്ടി എന്ന നേതാവ്  രാഷ്ട്രീയത്തില്‍ തുടരണം...